文/袁念琪小辰光，快要吃夜飯了，一看到郵遞員騎仔腳踏車進弄堂，就會搭仔一幫小人喊：“新民夜報，夜飯吃飽”其實夜報來個辰光，并不是家家人家才夜飯吃飽吃好了；而是心裡向曉得，夜飯吃飽就可以看夜報，品嘗精神食糧了，現在小編就來說說關于寫手抄報的内容寫什麼?下面内容希望能幫助到你，我們來一起看看吧!

　　 寫手抄報的内容寫什麼

　　文/袁念琪

　　小辰光，快要吃夜飯了，一看到郵遞員騎仔腳踏車進弄堂，就會搭仔一幫小人喊：“新民夜報，夜飯吃飽。”其實夜報來個辰光，并不是家家人家才夜飯吃飽吃好了；而是心裡向曉得，夜飯吃飽就可以看夜報，品嘗精神食糧了。

　　長大了，夜飯吃好，除脫看夜報還寫夜報；寫夜報就是向夜報投稿。自家名字第一趟登上夜報是1983年4月2号：《姑娘們在洪水中攜手》，介紹剛拿到全國中篇小說獎個《燕兒窩之夜》。發稿編輯是大學校友林偉平。

　　寫夜報稿子，主要寫撥新聞搭仔副刊。我辣夜報浪發表個第一篇新聞是《一枚獎章的“奇遇”》，日腳是1984年4月13号。講阿拉黃澤同鄉、著名越劇演員範瑞娟阿姨個事體。銀行發現回收個貴金屬裡，有範阿姨1954年華東區戲曲會演一等獎個獎章。稿子撥了武璀阿姨，伊講：夜報就要搿種稿子，讀者歡喜。閑話裡個意思，就是1982年元旦《新民晚報》複刊辰光，社長趙超構辣《複刊的話》中提出夜報要做“穿梭飛行于尋常百姓之家的燕子”。

　　三天以後，我個稿子第一趟發表辣《夜光杯》浪：《在茄克衫潮流中》，責編是周駿。有電視台同行看了講：夜報膽子介大，提出茄克衫與牛仔褲最嗲搭配。

　　勿要搞錯，阿拉是上海人呀。美國人霍塞老早就辣1940年出版個《出賣上海灘》裡講：“上海乃是中國全國的時裝中心，上海所通行出的式樣是全國所奉為圭臬的”。辣相當長個一段辰光裡，上海賣衣裳個營業員往往搿能介對外地人講：“侬放心買，阿拉上海小姑娘才穿嗰。”

　　前年春節，新冠疫情嚣張。責編徐婉青來約稿：寫适合《夜光杯》風格、選1988年上海人抗擊甲肝一個點。結果，有了撥澎湃、新浪、騰訊等勿少媒體轉載個《一餐飯裡的智慧和信念》。

　　埃歇辰光，我負責上海電視台《小菜場·商情·氣象》專欄；首辦電視“最佳年夜飯征集”。正當錄制10套入選“最佳年夜飯”個辰光，甲肝疫情嚴峻，每天新增病人超過1萬，但節目照錄勿誤。王德民觀衆“經濟宴”4冷盤、6熱炒、1湯1點心，關鍵是一雞四吃、一魚三吃、一豬肉兩吃，邪氣經濟實惠。辣了一隻隻菜裡，傾注了一個個普通人對生活個熱愛搭仔樂觀，顯露出一份堅強。

　　眼睛一刹，“夜飯吃好寫夜報”已經三十九年了。拙作《上海人的黃鳝菜》搭仔《淮海中路1号》，分别收進《愛夜光杯 愛上海·2019》搭仔《愛夜光杯 愛上海·2020》。我還有幸撥評為2020年度夜報優秀作者。寫道搿搭，辣心裡講一句：謝謝夜報。

　　來源： 新民晚報

　　,